E Samsdeg 27.1.2018 krut de Prënz vun der Péitenger Fuesend, de Laurent I., seng Prinzessin. Am gutt gefëllte Festsall vum Hotel Threeland waren d'Andrea an d'Chiara ugetrueden fir Prinzessin ze ginn. D'Andrea huet sech um Enn duerchgesat a wäert elo déi nächst Méint den Zepter un der Säit vum Prënz droen. Matgefeiert hunn de Käpt'n Ändä, de Matrous K1000, d'Lisa an d'Hüette Maria a Sharon.

Photos: Tom Jean

Wat fir e kinnekléchen Owend! Op der Prinzess Night vum KaGePe, e Samsdeg 23.1.2016, konnt d'Stëmmung net besser sinn am ausverkaafte Festsall vum Hotel Threeland zu Péiteng. 2 super sympatesch Kandidatinnen haaten sech ugemeld fir d'Fuesend 2016 un der Säit vum Prënz Yves I. als Prinzessin ze erliewen an um Enn huet sech d'Prinzessin Tessy I. géint d'Eierendame Linda an der Gonscht vum Public duerchgesat. Parallel zu engem phantastësche Buffet hunn de Käpt'n Ändä, de Matrous K1000, d'Lisa an d'Hüetten Maria a Sharon hunn de Sall zum Kache bruecht!

Photos: Tom Jean

Wann dat esou weider geet, da gëtt d'Fuesend zu Péiteng 2015-2016 en excellente Cru ;-)! Wat war dat alt neess eng bombastesch Stëmmung am Festsall vum Home zu Péiteng. De Prënz Yves I. gouf e Mëttwoch 11.11.2015 vun de Funkemariechen, KaGePe's Five an dem Käpt'n Ändä, dem Matrous K1000, dem Sandy an den Hüette Maria a Sharon zesumme mam ausverkaafte Sall gefeiert - kuckt selwer: Biller soe méi wéi Wierder...

Photos: Tom Jean

No enger herrlecher 60. Péitenger Kavalkad koum et dunn am Festzelt op der Maartplaz zum grousse Showdown: d'Stëmmung huet gekacht an aus dem Festzelt gouf séier eng Sauna! Party total mam Käpt'n Ändä, dem Matrous K1000, dem Lisa an den Hüetten Maria, Ruth a Sharon!! Dee ganz normale Wahnsinn ;-)!!

Photos: Tom Jean